06
Oct
07

Wort zum Sonntag

Freunde, es isch e spannendi, aber doch sehr schrägi Wuche gsi. Ich glaub es ghört dezue, wemmer amene neue Ort isch, dass mer sich öfter als susch fragt, was mer da genau macht und was eigentlich so s Läbe usmacht. Wemmer i de Routine vom Alltag isch, merkt mer gar ned, dass s Läbe eigentlich ganz öppis Merkwürdigs isch.

So usem Läbe grisse zwerde, in e völlig anderi Umgebig verpflanzt zwerde isch öppis Speziells. Fründe, Familie werded zu verblasste Internetoberflächene. Natürlich isch es super was mer jetzt alles für Kommunikationsmöglichkeite händ, aber es gaht halt nüt über en Flesh and Blood Mänsch.

Anyway, jetzt bin ich da, im Momänt no viel allei, und genau das zeigt mir, wie wichtig ächti Gmeinschaft isch. Ich glaube, dass Gott durch Jesus immer mit mir isch, aber i de letschte Wuche han ich s Gfühl gha, dass au Gott mangels Mänsche um mich ume verblasst isch. Mini ganzi Identität isch i de Schwiiz bliibe und ich ha mich chöne frage, was denn dänn no übrigbliibt…

Umso schöner isch es gsi, hüt ad Church Fair zgah, Gott z priise imene Gottesdienst und zmerke, dass mer uf Lüt trifft, wo eim im Glaube bestätiget und enand hälfed de beschwerlichi Wäg vom Läbe zgah.

Villicht möged jetzt mängi säge, ja das isch doch vil z eifach, da bisch einisch mal echli uf Dich gstellt und scho rännsch id Chile, zrugg id Comfort Zone. Und die wo das säged händ rächt. Es isch e Niederlag. Und ich gestah sie no so gern i. De Nietzsche hät rächt: S Christetum isch e Religion für die Schwache. And I’m so happy to be weak! Hallelujah! Priised Gott, morn isch Sunntig! Erinnemer eus a alles wo Er für eus die Wuche gmacht hät und dankemer Ihm, dass mir am Läbe sind – Amen.

simg0009k.jpg

Advertisements

2 Responses to “Wort zum Sonntag”


  1. 1 Katy
    October 6, 2007 at 11:59 pm

    Hey Coju!
    da chani würklech nume AMEN säge zu dine Wort!! Dankä viu mau!
    Hey ja, ig wünschä Dir ä wunderschönä Sunntig – dä Tag wo der Herr üs gschänkt het!
    You are blessed!
    Katy

  2. October 7, 2007 at 9:31 am

    Danke…das wünsch ich Dir au…es isch schöns Wätter bi eus und hüt gang ich mir zwei Chilene go aluege…freu mi…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: