04
Oct
08

The mattress guy

Wie ihr ja all wüssed, bin ich ine neui Wohnig zügled (Video folgt bald…). Isch ganz ok, ruhig und zentral gläge, nur mini Matraze isch absolut alt und schrecklich. Will ich ja e möblierti Wohnig han, han ich eusere Vermietigsagentur aglüte und gfunde ich wot e neui. De Costa (Typ wo defür verantwortlich isch) hät gfunde, die seg doch ok, woruf ich gseit han, dass es völlig normal seg, wenn er sie ok find, will er müessi ja au ned druf schlafe. Bis zum Schluss hät er dänn glich gfunde er bringi mir eine verbi.

Am abgmachte Tag für d Lieferig isch natürlich überhaupt nüt passiert und so han ich wieder aglüte. Er hät dänn irgendöppis vo wäge Notfall a dem Tag verzellt (yeah, right…) und mir es neus Datum gäh. Aber au det isch überhaupt niemert verbi cho.

En Tag spöter, ich bin grad am skype gsi, gsehn ich us em Augewinkel us mim Feischter, wie en Lieferwage vorfahrt. Will ich ja grad am Telefon gsi bin, han ich’s gar ned so wahrgnoh. Au nöd würklich wahrgnoh han ichs, wo de Typ usem Fahrzüüg stiigt, rundume lauft und wer würds glaube – e Matraze usenimmt.

Ab dem Momänt han ich aber voll und ganz mini Ufmerksamkeit uf de Typ grichtet und ghofft, dass er i Richtig mini Wohnig lauft. Zersch häts aber so usgseh, als würd er verbilaufe…aber mis Bange und hoffe isch erhört worde –  er isch dänn  doch no zu mir iboge…

Und tatsächlich: Ich ha mini neui Matraze ändlich übercho gha. Leider han ich schnäll gmerkt, dass die alt nöd irgendwie kaputt isch, sondern, dass die dumme englische Matraze mit so komische Stahlfädere gmacht sind, wo mega blöd umewobbled. Naja, ha ihm no gseit, dass mis Bett zuedem no furchtbar quietsche tuet. Er hät dänn gseit, er chämi nomal verbi und tuet das au behebe – aber natürlich ward er bis heute nie mehr gesehen…

Zum Glück han ich en gsunde Schlaf – fragt sich nur wie lang…

Advertisements

0 Responses to “The mattress guy”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s


Advertisements
October 2008
M T W T F S S
« Sep    
 12345
6789101112
13141516171819
20212223242526
2728293031  

%d bloggers like this: